Бөгөн башҡорт теленән халыҡ-ара диктант яҙабыҙ!
Диктант темалары Башҡортостан Республикаһында Кесе Ватан өсөн файҙалы эштәр йылына, Рәсәйҙә иғлан ителгән Педагог Һәм остаз йылына, Бөтә донъя башҡорттары иғлан иткән Фән һәм мәғариф йылына арналған.
Ул иртәнге сәғәт 11-ҙә (Өфө ваҡыты менән) офлайн үткәреләсәк. Тексты баш ҡалабыҙҙың 7 муниципаль майҙансыҡта яҙырға була.
Диктант онлайн-форматта Башҡортостан юлдаш телевидениеһының тура эфирында уҡыласаҡ:
— сәғәт 11:00-ҙән сәғәт 11:25-кә тиклем – башҡорт телен башланғыс кимәлдә белеүселәр өсөн;
— сәғәт 11:30-ҙан сәғәт 12:00-кә тиклем – башҡорт телендә иркен аралашыусылар өсөн;
— сәғәт 12.05-нән сәғәт 12.30-гә тиклем – башҡорт теленең төньяҡ-көнбайыш диалектында яҙыусылар өсөн.
Ҡатнашыусыларҙы теркәү https://bashdictant.ru/ сайтында бара.